Vitamin D குறைபாடு : வைட்டமின் டி நமது உடலுக்கு மிகவும் அத்தியாவசியமான ஊட்டச்சத்தாகும். எலும்புகளின் ஆரோக்கியம், நோய் எதிர்ப்பு சக்தி போன்றவற்றுக்கு இது முக்கியம் என்பது தெரிந்த விஷயம் தான்.
ஆனால், வைட்டமின் டி குறைந்தால், நமது சருமத்திலும் சில அறிகுறிகளை ஏற்படுத்தும். அதைப் பற்றி இந்தப் பதிவில் விரிவாகப் பார்ப்போம்.
சருமப் பாதிப்பு ஏன்?
சூரிய ஒளி சருமத்தின் மீது படும்போது வைட்டமின் டி உற்பத்தி செய்யப்படுகிறது. சரும செல்களின் செயல்பாட்டைக் கட்டுப்படுத்துவதில் வைட்டமின் டி முக்கியப் பங்கு வகிப்பதால், அதன் குறைபாடு சருமத்தைப் பெரிதும் பாதிக்கிறது.
இதனால் முகப்பரு, தடிப்புத்தோல் அழற்சி, வறண்ட சருமம் போன்ற பல பிரச்சினைகள் ஏற்படலாம். நாம் பெரும்பாலும் இதை சாதாரண சருமப் பிரச்சினையாகவே கருதுவோம். ஆனால், இவை ஆபத்தானவை. இவற்றைக் கண்காணிப்பது அவசியமாகும்.
Read also : Early Meals முக வீக்கத்தைக் குறைக்குமா? உண்மை இதோ!
சருமத்தில் தென்படும் அறிகுறிகள் – Vitamin D குறைபாடு
தோல் அரிப்பு மற்றும் வறட்சி
வைட்டமின் டி குறைபாடு, சருமத்தின் ஈரப்பதத்தைக் குறைக்கும். இதனால் சருமம் வறண்டு, செதில் செதிலாக உதிர்ந்து, அரிப்பு ஏற்படும். குறிப்பாக கைகள், கால்கள் மற்றும் முகத்தில் இது தெரியும்.
காயங்கள் குணமாவது தாமதமாவது
வைட்டமின் டி சரும செல்கள் வளர்ச்சி மற்றும் பழுது பார்ப்பிற்கு உதவுகிறது. இதில் குறைபாடு இருந்தால், சிறிய காயங்கள் கூட குணமடைய அதிக காலம் ஆகும்.
எக்ஸிமா (தோல் அழற்சி)
வைட்டமின் டி குறைபாடு, நோய் எதிர்ப்பு மண்டலத்தைப் பாதித்து, தோல் அழற்சி (எக்ஸிமா) (Skin inflammation – Eczema) நிலையை மோசமாக்கும். இதனால், சருமம் சிவந்து, அரிப்பு மற்றும் எரிச்சலுடன் காணப்படும்.
அதிகரிக்கும் முகப்பரு
வைட்டமின் டி குறைபாடு, உடலில் அழற்சியை உண்டாக்கி, முகப்பரு வெடிப்புகளைத் தீவிரப்படுத்தும்.
தோலில் நிற மாற்றம்
வைட்டமின் டி குறைபாடு சருமத்தின் நிறத்தையும் மாற்றலாம். சருமம் வெளிர்நிறமாக அல்லது சீரற்றதாகத் தோன்றும். மேலும், சருமம் அதன் இயற்கையான பளபளப்பை இழந்து மந்தமாகக் காணப்படும்.
Read also : அடிக்கடி வாய்ப்புண் வருகிறதா? சிறந்த இயற்கை தீர்வுகள் இதோ!
தடிப்புத்தோல் அழற்சி (Psoriasis)
வைட்டமின் டி குறைபாடு சரும செல்களின் சுழற்சியைப் பாதித்து, தடிப்புத்தோல் அழற்சியை (சொரியாசிஸ்) மோசமாக்கலாம்.
ஆய்வுகளின்படி, இந்த பாதிப்பு உள்ள பெரும்பாலானவர்களுக்கு வைட்டமின் டி குறைபாடு உள்ளது தெரிய வந்துள்ளது.
இந்த அறிகுறிகள் உங்களுக்கு இருந்தால், மருத்துவரிடம் ஆலோசனை பெற்று வைட்டமின் டி அளவைப் பரிசோதிப்பது நல்லது.
வைட்டமின் டி அளவு மற்றும் ஆதாரங்கள்
1 வயதுக்கு மேற்பட்டவர்களுக்கு ஒரு நாளைக்கு சுமார் 600 IU (15 mcg) வைட்டமின் டி தேவை. சூரிய ஒளி, சால்மன், டுனா போன்ற மீன்கள், முட்டையின் மஞ்சள் கரு, காளான் போன்ற உணவுகளில் வைட்டமின் டி உள்ளது.எனவே, இந்த உணவுகளை எடுத்துக் கொள்வது நம் உடலுக்கு மிகவும் நல்லது.
(பின்குறிப்பு: இந்தத் தகவல் பொதுவானவை மட்டுமே. உடல் சம்மந்தப்பட்ட எந்த விஷயங்களையும் தொடங்குவதற்கு முன்பு மருத்துவரை அணுகுவது நல்லது).
Vitamin D குறைபாடு – FAQs
1) வைட்டமின் டி குறைபாடு சருமத்தை எப்படிப் பாதிக்கிறது?
வைட்டமின் டி குறைபாடு சருமத்தில் வறட்சி, அரிப்பு, முகப்பரு, காயங்கள் மெதுவாக ஆறுதல் மற்றும் நிற மாற்றங்களை ஏற்படுத்தும்.
2) வைட்டமின் டி குறைபாட்டினால் சருமத்தில் ஏற்படும் பொதுவான அறிகுறிகள் யாவை?
தோல் அரிப்பு, வறட்சி, எக்ஸிமா, முகப்பரு அதிகரிப்பு, தோலில் நிற மாற்றம் மற்றும் தடிப்புத்தோல் அழற்சி ஆகியவை பொதுவான அறிகுறிகள் ஆகும்.
3) வைட்டமின் டி-யை எப்படிப் பெறுவது?
சூரிய ஒளி, சால்மன், டுனா போன்ற மீன்கள், முட்டையின் மஞ்சள் கரு, காளான் போன்ற உணவுகள் மூலம் வைட்டமின் டி-யைப் பெறலாம்.
Read also : சிறந்த Face Mask டிப்ஸ் – முகத்திற்கு சரியான தேர்வு!
இதுபோன்ற சிறந்த தகவல்களைப் பெற எங்களுடன் இணைந்திருங்கள் – tnnewsbox.com
Key Insights & Best Takeaways
Vitamin D deficiency can manifest significantly on your skin, causing issues like dryness, itching, acne breakouts, and delayed wound healing. It’s crucial to recognize these often-overlooked skin symptoms as potential indicators of a deeper Vitamin D shortage, urging a medical check-up to ensure overall health and well-being.
