சீனாவின் மிகப்பெரிய அணை – இந்தியாவுக்கு ஆபத்தா?

சீனாவின் மிகப்பெரிய அணை : கடந்த வாரம் சீனா திபத்தில் உலகின் மிகப்பெரிய அணையைக் கட்டத் திட்டமிட்டுள்ளதாக அறிவித்தது. இந்தப் புதிய திட்டம் “த்ரீ கோர்ஜஸ் டேம்” என்ற முந்தைய உலகின் மிகப்பெரிய அணையை விடப் பெரியதாகும்.

த்ரீ கோர்ஜஸ் டேம் என்பது மத்திய சீனாவில் யாங்ட்சே நதியின் மீது அமைக்கப்பட்டு, மிகப்பெரிய உற்பத்தித் திறனைக் கொண்ட அணையாகும். 

பழைய அணையின் விளைவுகள்

ஆனால், இந்த அணை மூலம் சில முக்கிய விளைவுகள் ஏற்பட்டன. நாசாவின் கணிப்புப்படி, த்ரீ கோர்ஜஸ் டேமின் கட்டுமானத்தால் பூமியின் சுழற்சி 0.06 வினாடிகள் குறைந்துள்ளதாகக் கூறியுள்ளது. இது அணையின் அழுத்தம் மற்றும் கனத்தால் ஏற்பட்டது.

அதே சமயம், மின் உற்பத்தி, நீர் மின்னாற்றலின் பயன் போன்ற சிறப்பம்சங்கள் இருந்தாலும், சுற்றுச்சூழல் மற்றும் புவிசார் சமநிலைக்கு எதிரான தாக்கங்களை ஏற்படுத்தியது என்பது குறிப்பிடத்தக்கது.

இமயமலைப் பகுதியில் சீனாவின் மிகப்பெரிய அணை

தற்போது, இந்தப் புதிய அணை த்ரீ கோர்ஜஸ் டேமை விட மிகப்பெரியதாக இருந்தாலும், இது சுற்றுச்சூழலுக்கான தாக்கங்களைக் குறைக்கும் விதத்தில் திட்டமிடப்பட்டுள்ளது. இந்தத் திட்டம் உலகின் அழகான புவிசார் மண்டலங்களில் ஒன்றாகக் கருதப்படும் திபெத்தின் இமயமலைப் பகுதியில் அமைக்கப்படும் என்று சீனா அறிவித்துள்ளது.

மேலும், கடந்த அனுபவங்களைக் கருத்தில் கொண்டு இந்தத் திட்டம் சுற்றுச்சூழலுக்கு மிகக் குறைந்த வகையில் பாதிப்புகளை ஏற்படுத்தும் விதத்தில் அமைக்கப்படும் என்று உறுதி அளித்துள்ளது.

சுற்றுச்சூழலில் ஏற்படக்கூடிய தாக்கங்கள்

யார்லுங் சாங்போ நதி அமைந்துள்ள மண்டலம் நிலநடுக்கத்திற்கு அதிகமாக ஆளாகக் கூடிய ஒரு மண்டலமாகும். சீனாவின் இந்த அணை கட்டுவது மூலம் மலைச்சரிவுகள், நிலச்சரிவுகள் மற்றும் நிலநடுக்கங்கள் ஏற்பட வாய்ப்பு இருக்கின்றது.

மேலும், இது பிரம்மபுத்திரா நதியின் நீர் வாய்க்கால் விநியோகத்தில் பெரும் பாதிப்பை ஏற்படுத்தும் அபாயம் உள்ளது.

சீனாவில் HMPV வைரஸ்! மீண்டும் மீண்டுமா? 

நலனைப் பாதுகாக்கும் – இந்தியா

பெங்ஜிங்கின் இந்தத் திட்டத்தை பற்றி அறிவித்த சில நாட்களுக்குப் பிறகு இந்தியா சார்பில் புதுடெல்லியில் வெள்ளிக்கிழமை இது குறித்துப் பதிலளித்தது. “இந்தியா தனது நலன்களைப் பாதுகாக்கும்” என்று கூறியுள்ளது. மேலும், திட்டங்கள் குறித்து வெளிப்படைத்தன்மை வேண்டும் என்றும் வலியுறுத்தியுள்ளது.

இதைப் பற்றி வெளியுறவு அமைச்சக செய்தித் தொடர்பாளர் ரந்தீர் ஜெய்ஸ்வால், “எங்களின் நலன்களைப் பாதுகாக்க நாங்கள் தொடர்ந்து கண்காணித்துத் தேவையான நடவடிக்கைகளை எடுப்போம்” என்று  கூறியுள்ளார்.

வெளியுறவு செய்தித் தொடர்பாளரின் கருத்து

அருணாச்சலப் பிரதேசம் மற்றும் அஸ்ஸாம் மாநிலங்களுக்கு இந்தத் திட்டம் மூலம் வெள்ள அபாயம் ஏற்படக்கூடும்.

இது குறித்து ஜெய்ஸ்வால் கூறியபோது, “இந்தியா “ஒரு கீழ்நிலை நதிக்கரை மாநிலமாக” தன்னுடைய மக்களின் உரிமைகளைக் காத்து வருகின்றது.

நதிநீரைப் பயன்படுத்தும் உரிமை இந்தியாவிற்கு உள்ளது. இதனால், ராஜதந்திர வழிகளில் இந்தியா தொடர்ந்து சீனாவின் “யார்லுங் சாங்போ” ஆற்றில் உருவாக்கப்பட்ட திட்டங்கள் குறித்து தங்களின் கருத்துக்களை வெளியிட்டு வருகின்றது” என்று கூறியுள்ளார்.

Ghibli image ChatGPT vs Grok : எது சிறந்தது? 

உலகளாவிய மூலோபாய ஆலோசகரின் கருத்து

“சீனாவின் இந்தத் திட்டங்கள் நீர்ப்போருக்கான அபாயத்தை விதைப்பதோடு, இந்தியாவின் குடிநீர் வினியோகம் மற்றும் நீர் வளம் சார்ந்த தொழில்களில் பெரிய சிக்கல்களை ஏற்படுத்தக் கூடும்.

மேலும், இந்த மெகா நீர்மின் திட்டம் இந்தியா-சீனா இடையே கடுமையான புவிசார் அரசியல் பதட்டங்களை ஏற்படுத்தும் வாய்ப்பு உள்ளது” என்று புவிசார் அரசியல் மற்றும் உலகளாவிய மூலோபாய ஆலோசகரான(Global strategic consultant) ஜெனீவ் டோனெல்லன் மே, 2022-வில் எழுதியுள்ளார்.

Key Insights & Best Takeaways

China’s largest dam project is set to become the world’s biggest dam, raising concerns about its geopolitical impact on India. Located near the India-China border, it could lead to water-sharing conflicts and disrupt river ecosystems. The dam’s construction also poses risks to water security in South Asia, potentially affecting India’s water supply. This project is a strategic move for China to control vital water resources, influencing regional relations and future geopolitics.

இதுபோன்ற சிறந்த தகவல்களைப் பெற எங்களுடன் இணைந்திருங்கள் – tnnewsbox.com

TN NEWS BOX – YouTube Channel