பரீட்சை இல்லை! மாதம் ரூ.30,000 சம்பளத்தில் IRCTC வேலைவாய்ப்பு 2026: நேர்காணல் மட்டுமே!

IRCTC வேலைவாய்ப்பு 2026: இந்திய ரயில்வேயின் கீழ் செயல்படும் IRCTC (இந்திய ரயில்வே உணவு மற்றும் சுற்றுலா கழகம்) நிறுவனத்தில் ‘ஹாஸ்பிடாலிட்டி மானிட்டர்’ பணிக்கான மாபெரும் வேலைவாய்ப்பு அறிவிப்பு வெளியாகியுள்ளது. எந்தவித எழுத்துத் தேர்வோ, முன் அனுபவமோ இன்றி நேரடி நேர்காணல் மூலம் ஆட்கள் தேர்வு செய்யப்பட உள்ளதாக அறிவிக்கப்பட்டுள்ளது. ஹோட்டல் மேனேஜ்மென்ட் முடித்தவர்கள் இந்த அருமையான வாய்ப்பைப் பயன்படுத்திக் கொள்ளலாம்.

IRCTC வேலைவாய்ப்பு 2026

சுருக்க அட்டவணை

Tamil Nadu Jobs 2026 : Latest Govt & Private Job Notifications – Apply here…

காலியிடங்கள்

• IRCTC தென் மண்டல அலுவலகத்தின் கீழ் ‘Hospitality Monitor’ பதவிக்கு மொத்தம் 84 காலியிடங்கள் அறிவிக்கப்பட்டுள்ளன.
• இது முற்றிலும் ஒப்பந்த அடிப்படையிலான (Contract Basis) பணியாகும். ஆரம்பத்தில் 2 ஆண்டுகள் ஒப்பந்தம் வழங்கப்படும். பின்னர், செயல்பாடு அடிப்படையில் மேலும் 1 வருடத்திற்கு நீட்டிக்கப்பட வாய்ப்பு உள்ளது.
• தேர்வு செய்யப்படும் நபர்கள் தமிழ்நாடு, கேரளா மற்றும் கர்நாடகா மாநிலங்களில் உள்ள பிரிவுகளில் பணியமர்த்தப்படுவார்கள். எனினும், இந்தியா முழுவதும் எங்கு வேண்டுமானாலும் பணியாற்றத் தயாராக இருக்க வேண்டும்.

கல்வித் தகுதி

• அரசு அங்கீகாரம் பெற்ற பல்கலைக்கழகத்தில் முழுநேரப் படிப்பாக (Full time course) B.Sc (Hospitality and Hotel Administration) அல்லது B.Sc (Hotel Management and catering Science) முடித்திருக்க வேண்டும்.
• அல்லது BBA / MBA (Culinary Arts) அல்லது M.B.A (Tourism and Hotel Management) ஆகிய பட்டப்படிப்புகளில் ஏதேனும் ஒன்றில் தேர்ச்சி பெற்றிருக்க வேண்டும்.
• இந்த வேலைக்கு முன் அனுபவம் எதுவும் தேவையில்ல. கல்லூரிப் படிப்பை முடித்த புதியவர்களும் (Freshers) தாராளமாக இதற்கு விண்ணப்பிக்கலாம்.
• ஆங்கிலம் மற்றும் இந்தியில் நல்ல தகவல் தொடர்புத் திறன் இருப்பதுடன், தமிழ், மலையாளம், கன்னடம் போன்ற உள்ளூர் மொழிகள் தெரிந்திருப்பது கூடுதல் பலமாகக் கருதப்படும்.

Read also: மத்திய அரசு வேலைவாய்ப்பு 2026: IRFC-யில் ரூ. 1.40 லட்சம் சம்பளம்!

வயது வரம்பு

• 01.04.2026 அன்று பொதுப்பிரிவினருக்கு (UR) அதிகபட்ச வயது 27-க்குள் இருக்க வேண்டும்.
• அரசு விதிகளின்படி வயது வரம்பில் சலுகைகள் உண்டு: SC/ST பிரிவினருக்கு 5 ஆண்டுகளும், OBC பிரிவினருக்கு 3 ஆண்டுகளும் வயது வரம்பில் தளர்வு அளிக்கப்படும்.
• மாற்றுத்திறனாளிகளுக்கு (PwBD) 10 ஆண்டுகளும், முன்னாள் ராணுவத்தினருக்கு அவர்கள் பணியாற்றிய ஆண்டுகளின் அடிப்படையிலும் தளர்வுகள் உண்டு.

சம்பளம்

தேர்வு செய்யப்படும் நபர்களுக்கு மிகச் சிறப்பான சம்பளத்துடன் பல படிகளும் (Allowances) வழங்கப்படும்.

• அடிப்படைச் சம்பளம் (CTC): மாதம் ரூ. 30,000 வழங்கப்படும் (சட்டப்பூர்வ பிடித்தங்கள் போக).
• பயணப்படி (DA): ரயில்களில் பணிபுரியும் நாட்களில் ஒரு நாளுக்கு ரூ. 350 வரை தினசரிப் படியாக வழங்கப்படும் (பணி நேரத்தைப் பொறுத்து இது மாறுபடும்).
• தங்கும் செலவு: வெளியூர்களில் தங்க நேரிட்டால் ஒரு நாளுக்கு ரூ. 240 வழங்கப்படும்.
• தேசிய விடுமுறை நாட்களில் பணிபுரிந்தால் கூடுதல் படியாக ரூ. 384 மற்றும் மருத்துவக் காப்பீட்டிற்காக மாதம் ரூ. 1400 முதல் ரூ. 2000 வரையும் வழங்கப்படும்.

Read also: மத்திய அரசு வேலைவாய்ப்பு 2026: IRFC-யில் ரூ. 1.40 லட்சம் சம்பளம்!

தேர்வு முறை

• இந்தப் பணிக்கு எந்தவித எழுத்துத் தேர்வோ அல்லது முதல்நிலைத் தேர்வோ கிடையாது.
• விண்ணப்பதாரர்களின் கல்வித் தகுதி மற்றும் நேர்காணலின் (Personal Interview) அடிப்படையில் நேரடியாக ஷார்ட்லிஸ்ட் செய்யப்படுவார்கள்.
• இறுதியாக, IRCTC பரிந்துரைக்கும் மருத்துவப் பரிசோதனையில் (Medical fitness test) தேர்ச்சி பெறுபவர்களுக்குப் பணி நியமன ஆணை வழங்கப்படும்.

தேவையான ஆவணங்கள்

• முழுமையாகப் பூர்த்தி செய்யப்பட்ட விண்ணப்பப் படிவம் (Application Form).
• 3 சமீபத்திய பாஸ்போர்ட் அளவு புகைப்படங்கள்.
• கல்வித் தகுதி மற்றும் பிறந்த தேதிக்கான அசல் சான்றிதழ்கள் (Degree / 10th Marksheet) மற்றும் அதன் சுய சான்றொப்பமிட்ட (Attested) நகல்கள்.
• இடஒதுக்கீடு கோருபவர்களுக்கான உரிய சாதிச் சான்றிதழ் (SC/ST/OBC/EWS).
• முன் அனுபவம் இருந்தால் அதற்கான சான்றிதழ் (Proof of experience).

விண்ணப்பக் கட்டணம்

• இந்த வேலைவாய்ப்பிற்கான நேர்காணலில் கலந்துகொள்ள எந்தவித விண்ணப்பக் கட்டணமும் கிடையாது.
• குறிப்பு: நேர்காணலில் நீங்கள் தேர்ந்தெடுக்கப்பட்டால் மட்டும், பாதுகாப்பு வைப்புத்தொகையாக (Security Deposit) ரூ. 25,000 செலுத்த வேண்டும்.

முக்கியத் தேதிகள்

• நேர்காணல் நடைபெறும் தேதிகள்: 25.04.2026, 27.04.2026 மற்றும் 28.04.2026 ஆகிய மூன்று நாட்கள் நடைபெறும்.
• நேர்காணல் நடைபெறும் நேரம்: காலை 10.30 மணி முதல் மாலை 5.30 மணி வரை.

Read also: ரயில்வே வேலைவாய்ப்பு அறிவிப்பு 2026 : 11127 ஏஎல்பி பதவிக்கான காலியிடங்கள்!

விண்ணப்பிக்கும் முறை

• படி 1: மேலே கொடுக்கப்பட்டுள்ள லிங்க்கைக் கிளிக் செய்து விண்ணப்பப் படிவத்தைப் (Application Form) பதிவிறக்கம் செய்து கொள்ள வேண்டும்.
• படி 2: விண்ணப்பப் படிவத்தில் கேட்கப்பட்டுள்ள உங்களின் பெயர், தந்தையின் பெயர், முகவரி, கல்வி விவரங்கள் ஆகியவற்றைக் கேபிட்டல் லெட்டரில் (Capital Letters) பிழையின்றிப் பூர்த்தி செய்ய வேண்டும்.
• படி 3: பூர்த்தி செய்யப்பட்ட படிவத்துடன், மேலே கூறப்பட்டுள்ள தேவையான ஆவணங்களின் அசல் (Original) மற்றும் தலா ஒரு ஜெராக்ஸ் காப்பிகளை (Attested Copies) எடுத்துக்கொள்ள வேண்டும்.
• படி 4: அனைத்து ஆவணங்களையும் கையில் எடுத்துக்கொண்டு, சென்னை சேத்துப்பட்டில் உள்ள
  IRCTC Zonal office/ Chennai,
  6A, The Rain Tree Place,
  No.9, Mc Nichols Road, Chetpet,
  Chennai – 600031.
  என்ற முகவரிக்கு நேரடியாகச் சென்று ‘Walk-in-Interview’-வில் கலந்துகொள்ள வேண்டும்.
  (குறிப்பு: தபால் மூலமாகவோ ஆன்லைன் மூலமாகவோ அனுப்பக் கூடாது. நேரில் மட்டுமே செல்ல வேண்டும்).

IRCTC வேலைவாய்ப்பு 2026 – FAQs

முக்கியக் குறிப்புகள்!

IRCTC வேலைவாய்ப்பு 2026: இந்திய ரயில்வேயின் கீழ் செயல்படும் IRCTC நிறுவனத்தில் 84 ஹாஸ்பிடாலிட்டி மானிட்டர் (Hospitality Monitor) ஒப்பந்தப் பணியிடங்களுக்கான வேலைவாய்ப்பு அறிவிக்கப்பட்டுள்ளது. ஹோட்டல் மேனேஜ்மென்ட் அல்லது கேட்டரிங் சயின்ஸ் முடித்த, முன் அனுபவம் இல்லாத புதியவர்களும் (Freshers) மாதம் ரூ. 30,000 அடிப்படைச் சம்பளம் மற்றும் கூடுதல் படிகளுடன் கூடிய இந்தப் பணிக்குத் தாராளமாக விண்ணப்பிக்கலாம். எந்தவித எழுத்துத் தேர்வோ, விண்ணப்பக் கட்டணமோ இன்றி, கல்வித் தகுதி மற்றும் நேரடி நேர்காணல் (Walk-in-Interview) அடிப்படையில் மட்டுமே ஆட்கள் நேரடியாகத் தேர்வு செய்யப்படுவார்கள். விருப்பமுள்ளவர்கள் தங்களின் அசல் ஆவணங்களுடன் வருகிற ஏப்ரல் 25, 27 மற்றும் 28 ஆகிய தேதிகளில் சென்னை IRCTC அலுவலகத்தில் நடைபெறும் நேர்காணலில் நேரில் மட்டுமே கலந்துகொள்ள வேண்டும்.

நம்பகமான தகவல்கள் – ஒரே இடத்தில், உங்கள் மொழியில்!

தினமும் அறிந்துகொள்ளுங்கள் – உண்மை சார்ந்த தகவல்கள்!
எங்களுடன் தொடர்ந்து இணைந்திருங்கள் – tnnewsbox.com

எங்களது YouTube channel-ஐ பார்வையிட – www.youtube.com/@TNNewsBox