சத்துக்கள் நிறைந்த தேங்காய் எண்ணெய் மற்றும் விளக்கெண்ணெய் – இதில் எந்த முடி வளர எந்த எண்ணெய் சிறந்தது? முடி உதிர்வு, வளர்ச்சி மற்றும் ஆரோக்கியத்திற்கு இந்த இரண்டில் எது பெரிதும் துணைபுரியும் என்பதைப் பற்றியும், காலம்காலமாகப் பயன்படுத்தப்பட்டு வரும் இந்த எண்ணெய்களின் பலன்களைப் பற்றியும், சரியான பயன்பாட்டு முறைகளைப் பற்றியும் இந்தப் பதிவில் விரிவாகப் பார்ப்போம்.
பெண்களின் முடி வளர சிறந்த எண்ணெய்கள்
தலைமுடி உதிர்வு ஆண், பெண் இருவருக்குமே இருக்கும் ஒரு பொதுவான பிரச்சனைதான் என்றாலும், பெண்கள் இதில் அதிக அக்கறை கொள்கிறார்கள். பழங்காலத்திலிருந்தே, தலைமுடி ஆரோக்கியத்தில் எண்ணெய் ஒரு முக்கியப் பங்கு வகிக்கிறது. இந்தக் காலத்தில் சீரம் போன்றவற்றை உபயோகித்தாலும், தேங்காய் எண்ணெய், நல்லெண்ணெய், விளக்கெண்ணெய் போன்றவை பாரம்பரியமாகப் பயன்படுத்தப்பட்டு வருபவை ஆகும்.
முடி வளர உதவும் விளக்கெண்ணெய்
விளக்கெண்ணெய் ஆமணக்கு விதைகளிலிருந்து எடுக்கப்படுகிறது. இது மிகவும் அடர்த்தியும் பிசுபிசுப்புத் தன்மையும் கொண்டது. இதில் காணப்படும் ரிசினோலியிக் அமிலம் (Ricinoleic acid) எனும் கொழுப்பு அமிலம், பூஞ்சை எதிர்ப்பு மற்றும் நுண்ணுயிர் எதிர்ப்புப் பண்புகளைக் கொண்டது.
இந்த எண்ணெயைத் தலைக்குத் தேய்த்து மசாஜ் செய்யும்போது இரத்த ஓட்டம் அதிகரிக்கும். இது உச்சந்தலையில் ஏற்படும் தொற்றுகள் மற்றும் பொடுகுத் தொல்லையைப் போக்க உதவுகிறது. இதன் அடர்த்தி காரணமாக, இது முடியை நீண்ட நேரம் ஈரப்பதத்துடன் (Moisturize) வைத்திருக்க உதவுகிறது.
Read also : “முடி அடர்த்தியாக வளர சிறந்த 5 இயற்கை முறைகள்!”
முடி வளர உதவும் தேங்காய் எண்ணெய்
தேங்காய் எண்ணெயில் உள்ள இயற்கையான கொழுப்பு அமிலங்கள், குறிப்பாக லாரிக் அமிலம் (Lauric acid), முடிக்குத் தேவையான ஊட்டத்தையும், புரதத்தையும் கொடுக்கின்றன. விளக்கெண்ணெய்யை விட அடர்த்தி குறைவாக இருப்பதால், இது வேர்க்கால்களுக்குள் எளிதில் ஊடுருவும்.
இது முடி உதிர்வதைத் தடுப்பதோடு, முடி உடைவதையும் கட்டுப்படுத்துகிறது. மேலும், இது முடியின் சுருள் தன்மையைக் கட்டுப்படுத்தி (frizz control), இதில் உள்ள பூஞ்சை எதிர்ப்புப் பண்புகள் பொடுகைச் சரிசெய்து வேர்க்கால்களைப் பாதுகாக்கின்றன. இது லேசானதாகவும், பிசுபிசுப்புத் தன்மை குறைவாகவும் இருக்கும்.
அதிக பலன் பெறப் பயன்படுத்தும் முறை
முடி வளர எந்த எண்ணெயைப் பயன்படுத்துவதாக இருந்தாலும், அதை நேரடியாகப் பயன்படுத்துவதற்கு முன், இரட்டை கொதிப்பு (Double Boiler) முறையில் லேசாகச் சூடு செய்ய வேண்டும். பிறகு, வெதுவெதுப்பான நிலையில், விரல்களால் எண்ணெயைத் தொட்டு, வேர்க்கால்கள் மற்றும் உச்சந்தலையில் தேய்த்து நன்கு மசாஜ் செய்ய வேண்டும். இரவு முழுவதும் வைத்திருக்கலாம், அல்லது குளிப்பதற்கு ஒரு மணி நேரம் முன்பும் அப்ளை செய்யலாம்.
இரண்டு எண்ணெய்களையும் சேர்த்துப் பயன்படுத்தலாமா?
தேங்காய் எண்ணெய் மற்றும் விளக்கெண்ணெய் இரண்டையும் தாராளமாகச் சேர்த்துப் பயன்படுத்தலாம். இவற்றின் அடர்த்திகள் வேறுபடுவதால், இரண்டையும் ஒன்றாகக் கலந்து சூடு செய்து பயன்படுத்துவது நல்லது. நன்கு மசாஜ் செய்வது வேர்க்கால்களை உறுதிப்படுத்தி, முடியை ஈரப்பதத்துடன் வைத்திருக்க உதவும்.
Read also : முடி அடர்த்தியாக வளர இந்த 5 விதைகளை நீரில் கலந்து குடிங்க
யாருக்கு எது சிறந்தது?
தேங்காய் எண்ணெய் மற்றும் விளக்கெண்ணெய் இரண்டுமே பெண்களுக்கு மிகவும் உதவியாக இருக்கும்.
- வறண்ட தலைமுடி உள்ளவர்கள் விளக்கெண்ணெய் பயன்படுத்தலாம்.
- ஆனால், ஏற்கனவே எண்ணெய்ப் பசையான உச்சந்தலை (Oily Scalp) உள்ளவர்கள் விளக்கெண்ணெயைப் பயன்படுத்தினால், அதன் அதிக அடர்த்தி காரணமாக ஸ்கால்ப் இன்னும் அதிக எண்ணெய்ப் பசையாக மாறக்கூடும்.
இந்தப் பதிவில்,
முடி வளர உதவும் எண்ணெய்கள் – FAQs
1) இரத்த ஓட்டத்தை அதிகரிக்க எந்த எண்ணெய் உதவுகிறது?
விளக்கெண்ணெய்யைத் தலைக்குத் தேய்த்து மசாஜ் செய்யும்போது இரத்த ஓட்டம் அதிகரிக்கும்.
2) தேங்காய் எண்ணெய் முடிக்கு எப்படி உதவுகிறது?
இது முடி உடைவதைக் கட்டுப்படுத்தி, வேர்க்கால்களுக்குள் எளிதில் ஊடுருவி ஊட்டமளிக்கிறது.
3) அதிக பலன் பெற எண்ணெயை எப்படிப் பயன்படுத்த வேண்டும்?
எண்ணெயை இரட்டை கொதிப்பு (Double Boiler) முறையில் லேசாகச் சூடு செய்து பயன்படுத்த வேண்டும்.
Key Insights & Best Takeaways
Both Coconut Oil and Castor Oil are excellent for hair growth and health, though they offer different benefits. Castor oil, rich in Ricinoleic acid, is thicker and best for dry hair and treating scalp infections/dandruff, while coconut oil, with Lauric acid, is lighter, penetrates easily, and is great for preventing breakage and controlling frizz. For enhanced results, blending and gently heating the oils before a scalp massage is the best application method.
நம்பகமான தகவல்கள் – ஒரே இடத்தில், உங்கள் மொழியில்!
தினமும் அறிந்துகொள்ளுங்கள் – உண்மை சார்ந்த தகவல்கள்!
எங்களுடன் தொடர்ந்து இணைந்திருங்கள் – tnnewsbox.com
எங்களது YouTube channel-ஐ பார்வையிட – www.youtube.com/@TNNewsBox
