ஜப்பானிய கலாச்சாரத்தில் Ikigai என்பது வாழ்க்கையின் அர்த்தத்தைக் கண்டுபிடிப்பது என்று பொருள். ஹெக்டர் கார்சியா மற்றும் பிரான்செஸ் மிரால்ஸ் எழுதிய இந்தப் புத்தகம், நம்மை எளிமையான முறையில் நீண்ட மற்றும் மகிழ்ச்சியான வாழ்க்கையை வாழ வழிகாட்டுகிறது. இப்போது புத்தகத்தில் சொல்லப்பட்டுள்ள 10 முக்கியக் கொள்கைகளைப் பற்றி இந்தப் பதிவில் விரிவாகப் பார்ப்போம்.
Health Tips Daily Updates - Whatsapp Channel Link - Join Now...
Ikigai சொல்லும் 10 முக்கிய ரகசியங்கள்
ஓய்வு பெறாமல் செயல்படுங்கள்
வாழ்க்கையில் நமக்கு மகிழ்ச்சி தரக்கூடிய வேலைகளை விட்டுவிட்டால், மனம் காலியாகிவிடும். அதனால்தான், எந்த ஒரு வயதிலும் வேலை செய்து கொண்டே இருக்க வேண்டும். வேலை என்றால் சம்பளம் கிடைக்கும் பணி மட்டும் அல்ல, நம்மால் விரும்பி செய்யக்கூடிய விஷயங்களும் இதில் அடங்கும். தினமும் சிறு சிறு செயல்களில் ஈடுபடுவது வாழ்வுக்கு அர்த்தத்தைத் தரும். இது நம்மை எப்போதும் சுறுசுறுப்பாக வைத்திருக்க உதவும். இதுவே, நம்மை நீண்ட நாள் ஆரோக்கியமாக வைத்திருக்கும்.
லேசாக எடுத்துக்கொள்ளுங்கள்
அவசரப்படுவது வாழ்க்கையை சீர்குலைக்கிறது. லேசாக நடந்து கொண்டால் தான் மனமும் உடலும் சமநிலையில் இருக்கும். நேரத்தைத் துரத்தாமல், அதை உணர்ந்து அனுபவிப்பதே முக்கியமாகும். சின்ன சின்ன விஷயங்களை ரசித்தால் தான் வாழ்க்கை இனிமையாகும். பொறுமையுடன் இருந்தால், வாழ்க்கையில் நிம்மதியும் தானாக வரும்.
Read also : மனித உடல், இந்த 9 உறுப்புகள் இல்லாமலே வாழ முடியும்
வயிறை நிரப்பாதீர்கள்
அதிகமாக சாப்பிடுவது உடலை சோர்வடையச் செய்யும். ஆரோக்கியமாக இருக்க எப்போதும் நம் வயிறு 80% முழுமையாகும் வரை மட்டுமே சாப்பிட வேண்டும். அப்படி சாப்பிட்டால் உடல் லேசாகவும், சுறுசுறுப்பாகவும் இருக்கும். தேவையற்ற உணவு நோய்களுக்கு வழிவகுக்கும். அதனால் அளவாக சாப்பிடுவது நீண்ட ஆயுளுக்கு உதவும்.
நல்ல நண்பர்களுடன் இருங்கள்
நல்ல நண்பர்களே நம்முடைய வாழ்க்கையின் சிறந்த மருந்தாக இருப்பர். ஏனென்றால், நம்முடைய கவலைகளை அவர்களுடன் பகிர்ந்து கொள்வதன் மூலம் மனம் இலகுவாக இருக்கும். அவர்களின் சிரிப்பும் உரையாடலும் நம் வாழ்வில் புத்துணர்ச்சியைத் தரும். அதனால், நம்மைச் சுற்றி நல்ல நண்பர்களைத் தக்கவைத்துக் கொள்வதால் வாழ்க்கை நிறைவாக இருக்கும்.
உடலை ஆரோக்கியமாக வைத்துக் கொள்ளுங்கள்
உடல் ஓடிக் கொண்டிருக்கும் நீர்போல சுறுசுறுப்பாக இருக்க வேண்டும். தினசரி உடற்பயிற்சி, நம்மை ஆரோக்கியமாக வைத்துக் கொள்ளும். உடலைப் பராமரிக்காமல் விட்டுவிட்டால், அது விரைவில் சோர்ந்து விடும். சின்ன சின்ன பயிற்சிகள் கூட உடலை சுறுசுறுப்பாக வைக்கும். ஆரோக்கியம் தான் மகிழ்ச்சியின் அடிப்படை. எனவே, உடலை ஆரோக்கியமாக வைத்துக் கொள்வது நீண்ட ஆயுளுக்கு வழிவகுக்கும்.
புன்னகையுடன் இருங்கள்
சிரிப்பு என்பது ஒரு மருந்தாகும். இது மன அழுத்தத்தைக் குறைத்து நிம்மதியைத் தரும். எப்போதும் முகத்தில் புன்னகை கொண்டவர்கள், எளிதில் புதிய நண்பர்களை உருவாக்கிக் கொள்வார்கள். மேலும், சிரிப்புதான் நம்மைச் சுற்றி உள்ளவர்களை மகிழ்ச்சி அடையச் செய்யும். எனவே, எப்போதும் சந்தோஷமான மனநிலையுடன் இருந்தால், அது நீண்ட ஆயுளுக்கு வழிவகுக்கும்.
Read also : பாலுடன் உலர்ந்த திராட்சை – உடலில் ஏற்படும் அற்புத மாற்றங்கள்!
இயற்கையோடு இணைந்திருங்கள்
இயற்கை நமக்கு ஆற்றலையும் அமைதியையும் தருகிறது. மரங்களும், காற்றும், சூரியனும் நம் உடலைப் புத்துணர்வுடன் வைக்கின்றன. இயற்கையோடு அடிக்கடி நம் நேரத்தை செலவளித்தால் மனம் தெளிவாகும். மண்ணின் மணமும், பசுமையும் நம் வாழ்க்கையை வளமாக்கும். அதனால்தான் இயற்கையோடு எப்போதும் இணைந்து இருக்க வேண்டும்.
நன்றி சொல்லுங்கள்
நன்றி சொல்லும் பழக்கம் நம் வாழ்க்கையை முழுமையாக மாற்றும். நம்மைச் சுற்றியுள்ள சிறு சிறு விஷயங்களுக்கும் நன்றி சொல்ல வேண்டும். குடும்பம், நண்பர்கள், இயற்கை – இவை அனைத்தும் நமக்கு ஆசீர்வாதம். தினமும் நன்றி கூறினால் மகிழ்ச்சி பெருகும். நன்றி மனப்பாண்மையைக் கொண்டவர்கள் எப்போதும் அமைதியாகவும், மகிழ்ச்சியாகவும் இருப்பார்கள்.
நிகழ்காலத்தில் வாழுங்கள்
நடந்து முடிந்ததை நினைத்து வருந்திக் கொண்டும், எதிர்காலத்தை நினைத்து பயந்துகொண்டும் வாழக்கூடாது. இன்று என்ன இருக்கிறதோ, அதைப் பயன்படுத்திக் கொள்ள வேண்டும். ஒவ்வொரு நாளும், ஒவ்வொரு நிமிடமும் நமக்குப் புதிய அனுபவங்களைத் தருகிறது. அதனால் இன்றைய நாளை முழுமையாக வாழ்ந்தால் வாழ்க்கை நிறைவாக இருக்கும். நிகழ்காலத்தில் வாழ்வதே உண்மையான மகிழ்ச்சியாகும்.
உங்கள் Ikigai-யை பின்பற்றுங்கள்
ஒவ்வொருவருக்கும் அவர்களின் வாழ்க்கையில் ஒரு தனிப்பட்ட நோக்கம் இருக்கும். அந்த நோக்கத்தைக் கண்டுபிடித்து அதற்காக வாழ வேண்டும். நம்மை மகிழ்ச்சியாகும் விஷயங்களே நமது Ikigai ஆகும். அதை அடைந்தால், நம் வாழ்க்கை அர்த்தமுடையதாக மாறும். இதுவே, நீண்ட நாள் சந்தோஷமாக வாழ்வதற்கான ரகசியம் ஆகும்.
இந்த 10 வழிமுறைகளை நம் வாழ்க்கையில் பின்பற்றினால், நாம் நீண்ட காலம் மகிழ்ச்சியாகவும், இளமையாகவும், சுறுசுறுப்பாகவும், ஆரோக்கியமாகவும் வாழலாம்!
Read also : Goji Berries in Tamil – மருத்துவ உலகில் ஏற்படும் அற்புதம்!
Ikigai – FAQs
1) Ikigai என்றால் என்ன?
Ikigai என்பது ஜப்பானிய மொழியில் நீண்ட மற்றும் மகிழ்ச்சியான வாழ்க்கைக்கு அர்த்தம் தருவது என்று பொருள்.
2) Ikigaiயின் முக்கியக் கொள்கை என்ன?
உடலை ஆரோக்கியமாக வைத்துக் கொண்டு, எப்போதும் சுறுசுறுப்பாகவும் புன்னகையுடனும் இருப்பதுதான் அதன் முக்கியக் கொள்கையாகும்.
3) இந்தப் புத்தகம் எதைப் பற்றி கூறுகிறது?
இந்தப் புத்தகம் நம்மை எளிமையான வழியில் மகிழ்ச்சியாகவும், நீண்ட ஆயுளுடனும் வாழ வழிகாட்டுகிறது.
Telegram Link - Join Now...
Key Insights & Best Takeaways
The provided text, based on the Ikigai philosophy, highlights a simple yet profound approach to a long and happy life. It emphasizes 10 key principles, including staying active, living in the present moment, and connecting with nature. The happiness and longevity are not complex, but rather the result of consistently practicing small, meaningful habits like gratitude, maintaining good friendships, and finding your personal purpose (Ikigai) to stay engaged and fulfilled.
தினசரி செய்திகள், உண்மை தகவல்கள் – உங்கள் கையில்!
“ TN News Box – உங்கள் தினசரி தகவல் மையம்!
Technology, Health, Economy & Job Updates
தங்கம் விலை & Government Schemes அப்டேட்ஸ்
ஆரோக்கிய குறிப்புகள் & சமையலறை டிப்ஸ்
நம்பகமான தகவல்கள் – ஒரே இடத்தில், உங்கள் மொழியில்! ”Your Daily Dose!
தினசரி மக்களின் தேவையை பூர்த்தி செய்யும் உண்மை தகவல்களை நாங்கள் தருகிறோம்!
உலகம் முழுவதும் நடக்கும் முக்கியமான விடயங்களை நேர்மையாகவும், தெளிவாகவும், உங்கள் கையில் எட்டச்செய்வதே எங்களது நோக்கம்.
தினமும் அறிந்துகொள்ளுங்கள் – உண்மை சார்ந்த தகவல்கள்!
எங்களுடன் தொடர்ந்து இணைந்திருங்கள் – tnnewsbox.com
எங்களது YouTube channel-ஐ பார்வையிட – www.youtube.com/@TNNewsBox
