அஞ்சலக மாத வருவாய் திட்டம் MIS vs TD – எது சிறந்தது?

அஞ்சலக மாத வருவாய் திட்டம் : இன்றைய காலகட்டத்தில் நாம் பெரும்பாலும் எதிர்காலத்தை கருத்தில் கொண்டு பல முதலீட்டு திட்டங்களில் ஈடுபட்டு வருகிறோம். அதற்கு ஏற்றவாறு வங்கிகள், அஞ்சல் துறைகள் போன்றவை பல சேமிப்புத் திட்டங்களை செயல்படுத்தி வருகின்றன. அதில் பிரபலமாக இருப்பதுதான்  போஸ்ட் ஆபீஸ் திட்டம். போஸ்ட் ஆபீஸில் மாத வருமானத் திட்டம் (Monthly Income Scheme – MIS) மற்றும் கால வைப்பு நிதி (Time Deposit -TD) ஆகிய இரண்டு சேமிப்பு திட்டங்கள் உள்ளன. இரண்டும் ஒரே மாதிரியாக இருந்தாலும், ஒவ்வொன்றும் தனித்துவமான நோக்கங்களையும், பலன்களையும் கொண்டுள்ளது. இந்த இரண்டு திட்டங்களுக்கும் இடையே உள்ள முக்கிய வேறுபாடுகளை அறிந்து கொண்டால், உங்கள் நிதி இலக்குகளுக்கு ஏற்ற சரியான முதலீட்டுத் திட்டத்தை தேர்ந்தெடுக்க முடியும்.

அஞ்சலக மாத வருவாய் திட்டம் (Monthly Income Scheme – MIS)

இந்தப் பதிவில் இரண்டு திட்டத்திலும் உள்ள

• வட்டி விகிதம்
• கணக்கு திறப்பதற்கான தகுதிகள்.
• வட்டி செலுத்தும் முறை மற்றும் வரி விதிப்பு.
• கணக்கு முதிர்வு மற்றும் இறப்புக்கான விதிமுறைகள்.
• விண்ணப்பிக்கும் முறை. 
• MIS மற்றும் TD திட்டத்திற்கு இடையே உள்ள வேறுபாடுகள். 
• FAQs.

ஆகியவற்றைப் பற்றி விரிவாகப் பார்ப்போம்.

அஞ்சலக மாத வருவாய் திட்டம் (MIS) என்றால் என்ன?

அஞ்சலக மாத வருவாய் திட்டம் (MIS) என்பது உங்கள் சேமிப்பிற்கு நிலையான மாத வருமானத்தை உறுதி செய்யும் ஒரு பாதுகாப்பான முதலீட்டுத் திட்டம் ஆகும். இது குறிப்பாக ஓய்வு பெற்றவர்கள், மூத்த குடிமக்கள் மற்றும் நிலையான வருமானம் தேடுபவர்களுக்கு மிகவும் பொருத்தமானதாக இருக்கும். இந்தத் திட்டத்தைப் பற்றிய முழு விவரங்களை விரிவாகப் பார்ப்போம்.

வட்டி விகிதம் மற்றும் வருமானக் கணக்கீடு

i) தற்போதைய வட்டி விகிதம்

ஜனவரி 1, 2024 முதல், ஆண்டுக்கு 7.4% வட்டி வழங்கப்படுகிறது.

ii) மாத வருமானக் கணக்கீடு

நீங்கள் முதலீடு செய்யும் தொகையின் அடிப்படையில், மாதந்தோறும் வட்டி கணக்கிடப்பட்டு, உங்கள் கணக்கில் வரவு வைக்கப்படும். உதாரணமாக, நீங்கள் ரூ. 5 லட்சம் முதலீடு செய்தால், 7.4% வட்டி விகிதத்தில் மாதந்தோறும் ஒரு குறிப்பிட்ட தொகை வருமானமாகக்  கிடைக்கும்.

iii) மறு முதலீடு

மாதந்தோறும் கிடைக்கும் வட்டியை மறு முதலீடு செய்ய முடியாது. இது மாத வருமானமாக மட்டுமே வழங்கப்படும்.

“புதிய வருமான வரி விதிகள் & கட்டண விவரங்கள் 2025!” 

கணக்கு திறப்பதற்கான தகுதிகள் மற்றும் வகைகள்

i) தனி நபர் கணக்கு

18 வயது ஆன எந்த ஒரு தனி நபரும் இந்தக் கணக்கைக் திறக்கலாம்.

ii) கூட்டுக் கணக்கு

18 வயது ஆனவர்கள் 3 பேர் வரை இணைந்து கூட்டுக் கணக்கைத் (Joint A அல்லது Joint B) திறக்கலாம். கூட்டு கணக்கில், ஒவ்வொருவரும் சமமான பங்குகளைக் கொண்டிருப்பர்.

iii) சிறியவர்களுக்கான கணக்கு

சிறியவர்கள் அல்லது மனநலம் பாதிக்கப்பட்டவர்களின் சார்பில் அவர்களின் பாதுகாவலர் (Guardian) கணக்கைத் திறக்கலாம். 10 வயதுக்கு மேற்பட்ட சிறியவர்கள் தங்கள் பெயரிலேயே கணக்கைத் திறக்கலாம்.

அஞ்சலக மாத வருவாய் திட்டம் – முதலீட்டு வரம்புகள் மற்றும் கட்டுப்பாடுகள்

i) குறைந்தபட்ச முதலீடு

MIS திட்டத்தின் குறைந்தபட்ச முதலீடு ரூ. 1000 ஆகும். மேலும், ரூ. 1000-த்தின் மடங்குகளில் முதலீடு செய்யலாம்.

ii) தனி நபர் முதலீட்டு வரம்பு

ஒரு தனி நபர் அதிகபட்சமாக ரூ. 9 லட்சம் வரை முதலீடு செய்யலாம்.

iii) கூட்டுக் கணக்கு முதலீட்டு வரம்பு

கூட்டுக் கணக்கில் அதிகபட்சமாக ரூ. 15 லட்சம் வரை முதலீடு செய்யலாம்.

iv) மொத்த முதலீட்டு வரம்பு

ஒரு தனி நபர், அனைத்து MIS கணக்குகளிலும் சேர்த்து அதிகபட்சமாக ரூ. 9 லட்சம் வரை மட்டுமே முதலீடு செய்ய முடியும்.

v) சிறியவர்களின் கணக்கு வரம்பு

சிறியவர்களின் சார்பில் பாதுகாவலர் (Guardian) திறக்கும் கணக்குகளுக்குத் தனி வரம்பு உண்டு.

Beti Bachao, Beti Padhao – பெண்கள் வளர்ச்சிக்கான வழி! 

அஞ்சலக மாத வருவாய் திட்டம் – வட்டி செலுத்தும் முறை மற்றும் வரி விதிப்பு

i) மாதாந்திர வட்டி செலுத்துதல்

கணக்கு திறந்த தேதியிலிருந்து 1 மாதம் முடிந்தவுடன் கணக்கில் வட்டி செலுத்தப்படும்.

ii) வட்டியை எடுக்காமல் இருத்தல்

மாதந்தோறும் செலுத்தப்படும் வட்டியை எடுக்காமல் இருந்தால், அதற்குக் கூடுதல் வட்டி கிடைக்காது.

iii) அதிகப்படியான முதலீடு

அதிகப்படியான முதலீடு செய்திருந்தால், அந்தத் தொகை திருப்பி அனுப்பப்படும். அது மட்டுமில்லாமல், கணக்கு திறந்த தேதியிலிருந்து திருப்பி அனுப்பும் தேதி வரை அஞ்சலக சேமிப்புக் கணக்கின் வட்டி மட்டுமே பொருந்தும். கூடுதலாக வட்டி வழங்கப்படாது.

iv) வட்டி வரவு வைக்கும் முறைகள்

வட்டியை அதே அஞ்சலகத்தில் உள்ள சேமிப்புக் கணக்கிற்கு (Savings account) வரவு வைக்கலாம். இல்லையென்றால் ECS (Electronic Clearing Service) மூலம் பெறலாம். CBS (Core Banking Solution) அஞ்சலகங்களில், எந்த CBS அஞ்சலக சேமிப்புக் கணக்கிற்கும் வட்டியை வரவு வைக்கலாம்.

v) வரி விதிப்பு

MIS திட்டத்தின் கீழ் வழங்கப்படும் வட்டி வருமான வரிக்கு உட்பட்டது ஆகும்.

ரூ.2500 முதலீட்டில் கோடீஸ்வரர் ஆன 2 எளியவர்கள்! 

கணக்கை முன்கூட்டியே மூடுவதற்கான விதிமுறைகள்

i) ஒரு வருடத்திற்கு முன் மூடுதல்

கணக்கு திறந்த தேதியிலிருந்து1 வருடம் முடிவதற்கு முன் பணத்தை எடுக்க முடியாது.

ii) ஒரு வருடம் முதல் மூன்று வருடங்கள் வரை மூடுதல்

1 வருடத்திற்குப் பின்போ, 3 வருடங்களுக்கு முன்போ கணக்கை மூடினால், முதலீட்டுத் தொகையில் 2% பிடித்தம் செய்யப்படும்.

iii) மூன்று வருடங்கள் முதல் ஐந்து வருடங்கள் வரை மூடுதல்

3 வருடங்களுக்குப் பின்போ, 5 வருடங்களுக்கு முன்போ கணக்கை மூடினால், முதலீட்டுத் தொகையில் 1% பிடித்தம் செய்யப்படும்.

iv) கணக்கை மூடும் முறை

கணக்கை மூடுவதற்குக் குறிப்பிட்ட விண்ணப்பப் படிவத்தைப் பூர்த்தி செய்து, பாஸ் புத்தகத்துடன் (Passbook) சம்பந்தப்பட்ட அஞ்சலகத்தில் சமர்ப்பித்து கணக்கை மூடலாம். கணக்கை மூடியவுடன் நீங்கள் முதலீடு செய்த மொத்தத் தொகையும் கிடைக்கும்.

அஞ்சலக மாத வருவாய் திட்டம் – முதிர்வு மற்றும் இறப்புக்கான விதிமுறைகள்

i) முதிர்வுக் காலம்

கணக்கு திறந்த தேதியிலிருந்து 5 வருடங்கள் முடிந்தவுடன், விண்ணப்பப் படிவத்தையும் பாஸ் புத்தகத்தையும் சமர்ப்பித்து கணக்கை மூடலாம்.

ii) இறப்புக்கான விதிமுறைகள்

முதிர்வு காலத்திற்கு முன்பே கணக்கு வைத்திருப்பவர் இறந்துவிட்டால், நாமினி (Nominee) அல்லது சட்டப்பூர்வ வாரிசுகளுக்குப் பணம் திருப்பி வழங்கப்படும். மேலும், திருப்பி வழங்கப்படும் முந்தைய மாதம் வரை வட்டி வழங்கப்படும்.

“அடல் பென்ஷன் யோஜனா” மாதம் ₹5000 வரை ஓய்வூதியம்! 

அஞ்சலக மாத வருவாய் திட்டம் – விண்ணப்பிக்கும் முறை

i) அஞ்சலகத்தை அணுகுதல்

உங்கள் அருகிலுள்ள அஞ்சலகத்திற்கு சென்று விண்ணப்பப் படிவத்தை (Application form) பெற்றுக்கொள்ளவும்.

ii) விண்ணப்பப் படிவத்தைப் பூர்த்தி செய்தல்

விண்ணப்பப் படிவத்தில் கேட்கப்பட்டுள்ள அனைத்து தகவல்களையும் சரியாகப் பூர்த்தி செய்யவும்.

iii) தேவையான ஆவணங்கள்

அடையாள அட்டைகள் (Aadhar Card, Pan Card), முகவரிச் சான்று (Address Proof) மற்றும் பாஸ்போர்ட் அளவு புகைப்படங்கள் (Passport size photos) போன்ற ஆவணங்களை சமர்ப்பிக்கவும்.

iv) முதலீட்டுத் தொகை

நீங்கள் முதலீடு செய்ய விரும்பும் தொகையை ரொக்கமாகவோ, காசோலையாகவோ செலுத்தலாம்.

v) கணக்குத் திறப்பு

அனைத்து ஆவணங்களையும் சமர்ப்பித்த பிறகு, உங்கள் கணக்கு திறக்கப்பட்டு, பாஸ் புத்தகம் (Passbook) வழங்கப்படும்.

Successful SIP investments சிறிய முதலீடு, அதிக லாபம்! 

MIS திட்டத்தில் எவ்வளவு வருமானம் கிடைக்கும்?

அஞ்சலக மாத வருவாய் திட்டம் – உதாரணம்

• நீங்கள் ரூ. 5 லட்சம் முதலீடு செய்கிறீர்கள் என்று வைத்துக் கொள்ளலாம்.
• MIS திட்டத்தின் ஆண்டு வட்டி விகிதம் 7.4%.
• ஆகவே, ஒரு வருடத்திற்குக் கிடைக்கும் வட்டி = (5,00,000 x 7.4) / 100 = ரூ. 37,000 
• மாதந்தோறும் கிடைக்கும் வட்டி = 37,000 / 12 = ரூ. 3,083.33 (சுமார்).
• எனவே, நீங்கள் ரூ. 5 லட்சம் முதலீடு செய்தால், மாதந்தோறும் சுமார் ரூ. 3,083  வருமானம் கிடைக்கும்.

கால வைப்பு நிதி (Time Deposit – TD)

அஞ்சலக கால வைப்பு நிதி (TD) என்பது, குறிப்பிட்ட காலத்திற்கு ஒரு தொகையை முதலீடு செய்து, அதன் மூலம் வட்டி பெறும் ஒரு பாதுகாப்பான முதலீட்டுத் திட்டம் ஆகும். இந்தத் திட்டம் நிலையான வருமானத்தை எதிர்பார்க்கும் நபர்களுக்கு ஏற்றதாக இருக்கும். இந்த திட்டத்தைப் பற்றிய முழு விவரங்களைப் பின்வருமாறு பார்ப்போம்.

வட்டி விகிதம் மற்றும் கணக்கீடு

i) வட்டி கணக்கீடு

வட்டி ஆண்டுதோறும் செலுத்தப்பட்டாலும், காலாண்டுக்கு ஒருமுறை கணக்கிடப்படுகிறது.

ii) தற்போதைய வட்டி விகிதங்கள் (01.01.2024 முதல் 31.03.2024 வரை)

1 வருடக் கணக்கு – 6.9%
2 வருடக் கணக்கு – 7.0%
3 வருடக் கணக்கு – 7.1%
5 வருடக் கணக்கு – 7.5%

iii) வட்டி செலுத்தும் முறை

வட்டிஆண்டுதோறும் செலுத்தப்படும். கணக்கு வைத்திருப்பவர் வட்டியை எடுக்கவில்லை என்றால், அதற்குக் கூடுதல் வட்டி கிடைக்காது.

கணக்கு திறப்பதற்கான தகுதிகள் மற்றும் வகைகள்

i) தனி நபர் கணக்கு

18 வயது ஆன எந்த ஒரு தனி நபரும் இந்தக் கணக்கைத் திறக்கலாம்.

ii) கூட்டுக் கணக்கு

18 வயது ஆன 2 அல்லது 3 பேர் இணைந்து கூட்டுக் கணக்கைத் (Joint A அல்லது Joint B) திறக்கலாம்.

iii) சிறியவர்களின் கணக்கு

சிறியவர்கள் அல்லது மனநலம் பாதிக்கப்பட்டவர்களின் சார்பில் அவர்களின் பாதுகாவலர் (Guardian) கணக்கைத் திறக்கலாம். 10 வயதுக்கு மேற்பட்ட சிறியவர்கள் தங்கள் பெயரிலேயே கணக்கைத் திறக்கலாம்.

iv) கணக்கு வகைகள்

1 வருடம், 2 வருடம், 3 வருடம், மற்றும் 5 வருட கால வைப்பு நிதிகள் உள்ளன. எத்தனை கணக்குகள் வேண்டுமானாலும் ஒருவர் திறந்து கொள்ளலாம்.

அஞ்சல்துறை டிஜிட்டல் மாற்றம் – நிதியமைச்சர் சந்திப்பு! 

அஞ்சலக மாத வருவாய் திட்ட முதலீட்டு வரம்புகள்

i) குறைந்தபட்ச முதலீடு

ரூ. 1000 மற்றும் ரூ. 100-இன் மடங்குகளில் முதலீடு செய்யலாம்.

ii) அதிகபட்ச முதலீட்டு வரம்பு

TD திட்டத்தில் அதிகபட்ச முதலீட்டு வரம்பு கிடையாது.

முதிர்வு மற்றும் கணக்கை நீட்டித்தல்

i) முதிர்வுக் காலம்

கணக்கு திறந்த தேதியிலிருந்து 1 வருடம், 2 வருடம், 3 வருடம், அல்லது 5 வருடங்கள் முடிந்தவுடன் முதலீட்டுத் தொகை திருப்பி வழங்கப்படும்.

ii) கணக்கை நீட்டித்தல்

முதிர்வுத் தேதியில், கணக்கு வைத்திருப்பவர் கணக்கை மீண்டும் அதே காலத்திற்கு நீட்டிக்கலாம்.

1 வருடக் கணக்கு

முதிர்வு தேதியிலிருந்து 6 மாதங்களுக்குள் நீட்டிக்கலாம்.

2 வருடக் கணக்கு

முதிர்வு தேதியிலிருந்து 12 மாதங்களுக்குள் நீட்டிக்கலாம்.

3 மற்றும் 5 வருட கணக்குகள்

முதிர்வு தேதியிலிருந்து 18 மாதங்களுக்குள் நீட்டிக்கலாம்.

கணக்கு திறக்கும் போதே முதிர்வு தேதியிலிருந்து கணக்கை நீட்டிக்க விண்ணப்பிக்கலாம். மேலும், முதிர்வுக்குப் பிறகு பாஸ் புத்தகம் (Passbook) மற்றும் விண்ணப்பப் படிவத்துடன் அஞ்சலகத்தில் சமர்ப்பித்து நீட்டிக்கலாம். முதிர்வு நாளில் இருக்கும் வட்டி விகிதமே நீட்டிக்கும் காலத்திற்கும் பொருந்தும்.

சுகன்யா சம்ரிதி யோஜனா (SSY) – செல்வ மகள் திட்டம்! 

கணக்கை முன்கூட்டியே மூடுதல்

i) குறைந்தபட்ச காலம்

கணக்கு திறந்த தேதியிலிருந்து 6 மாதங்களுக்கு முன் பணத்தை எடுக்க முடியாது.

ii) 6 மாதம் முதல் 1 வருடம் வரை மூடுதல்

6 மாதங்களுக்குப் பின்போ, 1 வருடத்திற்கு முன்போ கணக்கை மூடினால், அஞ்சலக சேமிப்புக் கணக்கின் வட்டி விகிதம் மட்டுமே பொருந்தும்.

iii) 1 வருடத்திற்குப் பின் கணக்கை மூடுதல்

2, 3, அல்லது 5 வருட கணக்கை 1 வருடத்திற்குப் பிறகு முன்கூட்டியே மூடினால், முழுமையடைந்த வருடங்களுக்கு கால வைப்பு நிதியின் வட்டி விகிதத்தை விட 2% குறைத்து கணக்கிடப்படும். 1 வருடத்திற்கு குறைவான காலத்தில் கணக்கை மூடினால், அஞ்சலக சேமிப்புக் கணக்கின் வட்டி விகிதம் பொருந்தும்.

iv) கணக்கை மூடும் முறை

TD கணக்கை மூடுவதற்கு, குறிப்பிட்ட விண்ணப்பப் படிவத்தைப் பூர்த்தி செய்து, பாஸ் புத்தகத்துடன் (Passbook) சம்பந்தப்பட்ட அஞ்சலகத்தில் சமர்ப்பித்து கணக்கை முன்கூட்டியே மூடலாம்.

கணக்கை அடமானம் வைத்தல்

TD கணக்கை அடமானம் வைக்கலாம் அல்லது பாதுகாப்பிற்காக மாற்றலாம். அதற்குக் குறிப்பிட்ட விண்ணப்பப் படிவத்தைப் பூர்த்தி செய்து, கடன் பெறுபவரின் ஒப்புதல் கடிதத்துடன் அஞ்சலகத்தில் சமர்ப்பிக்க வேண்டும். பின்வரும் அதிகாரிகள் மட்டுமே கணக்கை மாற்றலாம் அல்லது அடமானம் வைக்கலாம்.

• இந்திய குடியரசு தலைவர்/மாநில ஆளுநர்.
• ரிசர்வ் வங்கி/அட்டவணை வங்கி/கூட்டுறவு சங்கம்/கூட்டுறவு வங்கி.
• பொது/தனியார் நிறுவனம்/அரசு நிறுவனம்/உள்ளூர் அதிகாரம்.
• வீட்டு நிதி நிறுவனம்.

வருமான வரி சலுகை

5 வருட கால வைப்பு நிதிக்கு, வருமான வரிச் சட்டம் 1961 பிரிவு 80C இன் கீழ் வரி விலக்கு உள்ளது.

வட்டியைக் கணக்கிற்கு மாற்றுதல்

தகுந்த விண்ணப்பம் சமர்ப்பிப்பதன் மூலம், ஆண்டு வட்டித் தொகையை கணக்கு வைத்திருப்பவரின் சேமிப்பு கணக்கிற்கு வரவு வைக்கலாம்.

I) விண்ணப்பிக்கும் முறைi) அஞ்சலகத்தை அணுகுதல்

உங்கள் அருகிலுள்ள அஞ்சலகத்திற்கு சென்று விண்ணப்பப் படிவத்தைப் (Application form) பெற்றுக்கொள்ளவும்.

ii) விண்ணப்பப் படிவத்தைப் பூர்த்தி செய்தல்

விண்ணப்பப் படிவத்தில் கேட்கப்பட்டுள்ள அனைத்து தகவல்களையும் சரியாக பூர்த்தி செய்யவும்.

iii) தேவையான ஆவணங்கள்

அடையாள அட்டை (Aadhar Card, Pan Card), முகவரிச் சான்று (Address Proof), மற்றும் பாஸ்போர்ட் அளவு புகைப்படங்கள் (Passport size photos) போன்ற ஆவணங்களை சமர்ப்பிக்கவும்.

iv) முதலீட்டுத் தொகை

நீங்கள் முதலீடு செய்ய விரும்பும் தொகையை ரொக்கமாகவோ அல்லது காசோலையாகவோ செலுத்தலாம்.

v) கணக்கு திறப்பு

அனைத்து ஆவணங்களையும் சமர்ப்பித்த பிறகு, உங்கள் கணக்கு திறக்கப்படுவதோடு, பாஸ் புத்தகமும் (Passbook) வழங்கப்படும்.

உதாரணம் – TD திட்டத்தில் எவ்வளவு வருமானம் கிடைக்கும்?

• நீங்கள் ரூ. 1 லட்சம் 5 வருட கால வைப்பு நிதியில் முதலீடு செய்கிறீர்கள் என்று வைத்துக்கொள்ளலாம்.
• தற்போதைய வட்டி விகிதம் 7.5%.
• முதல் வருட இறுதியில் கிடைக்கும் வட்டி – 1,00,000 x 7.5 / 100 = ரூ. 7,500 
• இந்த வட்டி ஆண்டுதோறும் கிடைக்கும்.
• 5 வருட முடிவில், உங்களுக்கு ரூ. 1,00,000 முதலீட்டு தொகையும், ரூ. 37,500 வட்டியும் கிடைக்கும். (மொத்தம் – ரூ. 1,37,500).

அஞ்சலக மாத வருவாய் திட்டம் – எது சிறந்த முதலீடு?

MIS vs TD ஒப்பீட்டு அட்டவணை

அஞ்சலக MIS மற்றும் TD திட்டங்கள் இரண்டும் வெவ்வேறு நிதித் தேவைகளைப் பூர்த்தி செய்கின்றன. நிலையான மாத வருமானத்தைத்  தேடுபவர்களுக்கு MIS ஒரு சிறந்த தேர்வாக இருக்கும். அதுவே, மொத்த முதலீட்டு வளர்ச்சியைத் தேடுபவர்களுக்கு TD திட்டம் பொருத்தமானதாக இருக்கும். உங்கள் நிதித் தேவைகளுக்கு ஏற்ப இந்த இரண்டு திட்டங்களில் ஒன்றைத் தேர்ந்தெடுத்துக் கொள்ளலாம். பாதுகாப்பான முதலீடு மற்றும் நிலையான வருமானத்தைத் தேடுபவர்களுக்கு இந்த அஞ்சலக சேமிப்புத் திட்டங்கள் சிறந்தவையாக இருக்கும். உங்கள் தேவைக்கேற்ப சரியான திட்டத்தைத் தேர்ந்தெடுத்து நிதிப் பாதுகாப்பை உறுதி செய்யுங்கள்!

அஞ்சலக மாத வருவாய் திட்டம் MIS vs TD – FAQs

1) MIS திட்டத்தின் முக்கிய நோக்கம் என்ன?

நிலையான மாத வருமானம் வழங்குதல்.

2) TD திட்டத்தில் அதிகபட்ச முதலீட்டு வரம்பு எவ்வளவு?

TD திட்டத்தில் அதிகபட்ச முதலீட்டு வரம்பு இல்லை.

3) MIS திட்டத்தில் தற்போதைய வட்டி விகிதம் என்ன?

ஆண்டுக்கு 7.4%.

4) TD திட்டத்தில் 5 வருட கால வைப்பு நிதிக்கு வரி விலக்கு உண்டா?

TD திட்டத்தில் வருமான வரி சட்டம் 1961 பிரிவு 80C இன் கீழ் வரி விலக்கு உள்ளது.

5) MIS திட்டத்தில் உள்ள கூட்டுக் கணக்கில் அதிகபட்சமாக எவ்வளவு முதலீடு செய்யலாம்?

MIS திட்டத்தில் உள்ள கூட்டுக் கணக்கில் அதிகபட்சமாக ரூ. 15 லட்சம் வரை முதலீடு செய்யலாம்.

1️⃣ தேசிய சேமிப்பு திட்டங்கள் (NSI India – இந்திய அரசின் அதிகாரப்பூர்வ இணையதளம்)
🔗 https://nsiindia.gov.in

2️⃣ MIS & TD வட்டி வீதங்கள் (இந்திய ரிசர்வ் வங்கி – RBI)
🔗 https://www.rbi.org.in

3️⃣ நிலையான வைப்பு (FD) மற்றும் அஞ்சலக முதலீட்டுகளின் ஒப்பீடு (MoneyControl)
🔗 https://www.moneycontrol.com/news/business/personal-finance

4️⃣ மேலும் பயனுள்ள தகவல்களுக்கு – முழு விவரம்
🔗 https://tnnewsbox.com/

5️⃣ தகவல்களை வீடியோ மூலம் அறிய (TN News Box YouTube Channel)
🔗 [https://www.youtube.com/@TNNewsBox]

Key Insights & Best Takeaways!

Post Office MIS 2025, Post Office TD 2025, MIS vs TD comparison, best post office savings scheme, monthly income scheme India, term deposit interest rate, MIS scheme, safe investment options 2025, Tamil Nadu post office schemes, government-backed savings plans.