சென்ட்ரல் பேங்க் ஆஃப் இந்தியா சிறப்பு அதிகாரி வேலைவாய்ப்பு 2026: சென்ட்ரல் பேங்க் ஆஃப் இந்தியாவில் சிறப்பு அதிகாரி பணியிடங்களுக்கான வேலைவாய்ப்பு அறிவிப்பு வெள்ளியாகியுள்ளது. இது வங்கித்துறையில் ஒரு சிறப்பான அதிகாரியாகப் பணிபுரிய வேண்டும் என்று விரும்புபவர்களுக்கு ஓர் அருமையான வாய்ப்பாகும்.
உள்ளடக்கம்
சென்ட்ரல் பேங்க் ஆஃப் இந்தியா சிறப்பு அதிகாரி வேலைவாய்ப்பு 2026
சுருக்க அட்டவணை
| தலைப்பு | விவரம் |
|---|---|
| நிறுவனம் | சென்ட்ரல் பேங்க் ஆஃப் இந்தியா (Central Bank of India). |
| பதவிகள் | இடர் மேலாண்மை பிரிவில் சிறப்பு அதிகாரி (Specialist Officers in Risk Management Streams). |
| மொத்த காலியிடங்கள் | 26 |
| விண்ணப்பிக்கக் கடைசி தேதி | 30.04.2026 |
காலியிடங்கள்
வங்கியின் பல்வேறு பிரிவுகளின் கீழ் மொத்தம் 26 காலியிடங்கள் அதிகாரப்பூர்வமாக அறிவிக்கப்பட்டுள்ளன.
- அனலிட்டிக்ஸ் மற்றும் மாடல் ரிஸ்க் (Analytics and Model Risk) பிரிவில் 6 இடங்கள் ஒதுக்கப்பட்டுள்ளன.
- சொத்து பொறுப்பு மேலாண்மை (Asset Liability Management) பிரிவுக்கு 5 காலியிடங்கள் உள்ளன.
- டிஜிட்டல் ரிஸ்க் மேனேஜ்மென்ட் (Digital Risk Management) பிரிவில் 8 பணியிடங்கள் நிரப்பப்படவுள்ளன.
- எண்டர்பிரைஸ் ரிஸ்க் (Enterprise Risk) பிரிவில் 5 இடங்கள் அறிவிக்கப்பட்டுள்ளன.
- மார்க்கெட் ரிஸ்க் (Market Risk) பிரிவுக்கு 2 காலியிடங்கள் அறிவிக்கப்பட்டுள்ளன.
Tamil Nadu Jobs 2026 : Latest Govt & Private Job Notifications – Apply here…
கல்வித் தகுதி
- அனலிட்டிக்ஸ்: கணிதம் அல்லது புள்ளிவிவரவியலில் இளங்கலை பட்டம் பெற்றிருக்க வேண்டும் அல்லது டேட்டா சயின்ஸ், ஐடி, கணினி அறிவியலில் பி.இ/பி.டெக் (B.E/B.Tech) முடித்திருக்க வேண்டும்.
- சொத்து பொறுப்பு மேலாண்மை மற்றும் எண்டர்பிரைஸ் ரிஸ்க்: ஐடி, கணினி அறிவியலில் பி.இ/பி.டெக் அல்லது எம்பிஏ (MBA) அல்லது சிஸ்டர்டு அக்கவுண்டன்ட் (CA) முடித்திருப்பது அவசியமாகும்.
- டிஜிட்டல் ரிஸ்க் மேனேஜ்மென்ட்: கணினி அறிவியல், தகவல் தொழில்நுட்பம் அல்லது சைபர் செக்யூரிட்டியில் இளங்கலைப் பட்டம் பெற்றிருக்க வேண்டும்.
- மார்க்கெட் ரிஸ்க்: ஐடி, கணினி அறிவியலில் பி இ/பி டெக் அல்லது எம் பி ஏ அல்லது சி ஏ படித்திருக்க வேண்டும்.
அனைத்து பதவிகளுக்கும் விண்ணப்பதாரர்கள் சம்பந்தப்பட்ட துறையில் பதவியின் தரத்தைப் பொறுத்து குறைந்தது 2 முதல் 5 ஆண்டுகள் வரை முன் அனுபவம் பெற்றிருக்க வேண்டும். மேலும், கல்வி மற்றும் வேலை அனுபவத்திற்கான தகுதியை நிர்ணயிக்கும் தேதி 28.02.2026 என அறிவிக்கப்பட்டுள்ளது
வயது வரம்பு
- Scale IV பதவிகளுக்கு: குறைந்தபட்சம் 20 வயது முதல் அதிகபட்சம் 45 வயது வரை இருக்க வேண்டும்.
- Scale III மற்றும் Scale II பதவிகளுக்கு: குறைந்தபட்சம் 20 வயது முதல் அதிகபட்சம் 35 வயது வரை அனுமதிக்கப்படும்.
- Scale I பதவிகளுக்கு: குறைந்தபட்சம் 20 வயது முதல் அதிகபட்சம் 30 வயது வரை இருக்க வேண்டும்.
- விண்ணப்பதாரர்களின் வயது 28.02.2026 அன்றைய தேதியின்படி கணக்கிடப்படும்.
- பட்டியலினத்தவர் மற்றும் பழங்குடியின (SC/ST) பிரிவினருக்கு அதிகபட்ச வயது வரம்பில் 5 ஆண்டுகள் தளர்வு வழங்கப்பட்டுள்ளது.
- இதர பிற்படுத்தப்பட்ட (OBC) பிரிவினருக்கு 3 ஆண்டுகள் வயது தளர்வு உண்டு.
- மாற்றுத்திறனாளிகளுக்கு (PwBD) 10 ஆண்டுகள் வரை சிறப்பு வயதுத் தளர்வு அளிக்கப்பட்டுள்ளது.
Read also: இந்தியன் வங்கி ஸ்பெஷலிஸ்ட் ஆபிசர் வேலைவாய்ப்பு 2026: 350 காலியிடங்கள்
சம்பளம்
- Scale IV (Chief Manager): அடிப்படை சம்பளமாக ரூ. 1,02,300 முதல் அதிகபட்சமாக ரூ. 1,20,940 வரை வழங்கப்படும்.
- Scale III (Senior Manager): அடிப்படை சம்பளம் ரூ. 85,920 முதல் ரூ. 1,05,280 வரை நிர்ணயிக்கப்பட்டுள்ளது.
- Scale II (Manager): அடிப்படை சம்பளமாக ரூ. 64,820 முதல் ரூ. 93,960 வரை கிடைக்கும்.
இந்த அடிப்படை சம்பளத்துடன், வங்கியின் கொள்கை மற்றும் விதிமுறைகளின்படி இதர சலுகைகள் மற்றும் படிகளும் (Allowances/Perquisites) கூடுதலாக வழங்கப்படும்.
தேர்வு முறை
- தகுதியான விண்ணப்பதாரர்கள் முதலில் ஆன்லைன் முறையிலான எழுத்துத் தேர்வுக்கு (Online Examination) அழைக்கப்படுவார்கள்.
- இந்த எழுத்துத் தேர்வில் தேர்ச்சி பெறும் விண்ணப்பதாரர்களுக்கு அடுத்த கட்டமாக நேர்காணல் (Interview) நடத்தப்படும்.
- ஆன்லைன் எழுத்துத் தேர்வு 100 மதிப்பெண்களுக்கும், நேர்காணல் 100 மதிப்பெண்களுக்கும் என தனித்தனியே நடைபெறும்.
- இறுதித் தகுதிப் பட்டியல் தயாரிக்கும் போது, எழுத்துத் தேர்வு மற்றும் நேர்காணல் மதிப்பெண்கள் முறையே 70:30 என்ற விகிதத்தில் எடுத்துக்கொள்ளப்படும்.
பாடத்திட்டம்
- துறை சார்ந்த கேள்விகள் (Stream Specific): விண்ணப்பிக்கும் பிரிவுக்கு ஏற்ப 70 கேள்விகள் கேட்கப்படும், இதற்கு 70 மதிப்பெண்கள் ஒதுக்கப்பட்டுள்ளன.
- பகுத்தறிவு (Reasoning): இப்பகுதியில் இருந்து 15 கேள்விகள் 15 மதிப்பெண்களுக்குக் கேட்கப்படும்.
- வங்கியியல் மற்றும் பொது அறிவு (Banking & General Awareness): பொருளாதாரம் மற்றும் வங்கி சார்ந்த 15 கேள்விகள் 15 மதிப்பெண்களுக்கு இடம்பெறும்.
இந்த ஆன்லைன் தேர்வை எழுதி முடிக்க விண்ணப்பதாரர்களுக்கு மொத்தம் 90 நிமிடங்கள் (Composite time) வழங்கப்படும். மேலும், இந்தத் தேர்வில் தவறான பதில்களுக்கு எந்த வித நெகட்டிவ் மதிப்பெண்களும் (No penalty) குறைக்கப்படாது என்பது இதன் சிறப்பம்சமாகும்.
Read also: திருவாரூர் மாவட்ட வேலைவாய்ப்பு 2026: மாதம் ரூ. 27,000 சம்பளத்தில் வேலை!
தேவையான ஆவணங்கள்
- விண்ணப்பதாரரின் சமீபத்திய வண்ண பாஸ்போர்ட் அளவிலான புகைப்படம் (20kb முதல் 50kb அளவுக்குள்) வைத்திருக்க வேண்டும்.
- வெள்ளை காகிதத்தில் கருப்பு மையால் தெளிவாகப் போடப்பட்ட கையெழுத்து (10kb முதல் 20kb அளவுக்குள்) அவசியமாகும்.
- தெளிவான இடது கை பெருவிரல் ரேகைப் பதிவு (20KB முதல் 50KB வரை) தேவை.
- ஆங்கிலத்தில் சொந்தக் கையெழுத்தில் எழுதப்பட்ட உறுதிமொழி கடிதம் (Hand-written declaration) ஸ்கேன் செய்து வைத்திருக்க வேண்டும்.
- நேர்காணலுக்குச் செல்லும் போது கல்வித் தகுதி, வேலை அனுபவம், மற்றும் பிறந்த தேதிக்கான அசல் சான்றிதழ்களைச் சமர்ப்பிக்க வேண்டும்.
- இடஒதுக்கீடு சலுகை பெறுபவர்கள் அதற்கான சாதி சான்றிதழ் அல்லது மாற்றுத்திறனாளி சான்றிதழின் அசல் நகலை வைத்திருக்க வேண்டும்.
விண்ணப்பக் கட்டணம்
- பொதுப் பிரிவினர், இதர பிற்படுத்தப்பட்ட பிரிவினர் (OBC) மற்றும் பொருளாதாரத்தில் பின்தங்கிய பிரிவினருக்கு (EWS) விண்ணப்பக் கட்டணம் ரூ. 850 ஆகும்.
- பட்டியலினத்தவர் மற்றும் பழங்குடியினர் (SC/ST), மாற்றுத்திறனாளிகள் (PwBD) மற்றும் அனைத்துப் பெண் விண்ணப்பதாரர்கள் ரூ. 175 மட்டும் கட்டணமாகச் செலுத்தினால் போதுமானது.
- இந்த விண்ணப்பக் கட்டணத்தை டெபிட் கார்டு, கிரெடிட் கார்டு அல்லது இன்டர்நெட் பேங்கிங் வழியாக ஆன்லைன் முறையில் மட்டுமே செலுத்த வேண்டும்.
முக்கியத் தேதிகள்
- ஆன்லைன் மூலம் விண்ணப்பப் பதிவு தொடங்கிய தேதி: 09.04.2026.
- விண்ணப்பிக்க மற்றும் ஆன்லைன் வழியாகக் கட்டணம் செலுத்த கடைசி தேதி: 30.04.2026.
- ஆன்லைன் முறையிலான எழுத்துத் தேர்வு நடைபெற வாய்ப்புள்ள உத்தேச மாதம்: மே 2026.
- எழுத்துத் தேர்வில் தேர்ச்சி பெற்றவர்களுக்கான நேர்காணல் நடைபெறும் உத்தேச மாதம்: ஜூன் 2026.
Read also: ரயில்வே வேலைவாய்ப்பு அறிவிப்பு 2026 : 11127 ஏஎல்பி பதவிக்கான காலியிடங்கள்!
விண்ணப்பிக்கும் முறை
| சென்ட்ரல் பேங்க் ஆஃப் இந்தியா சிறப்பு அதிகாரி வேலைவாய்ப்பு 2026 அறிவிப்பைத் தெரிந்துகொள்ள | Click here |
| விண்ணப்பிக்க | Click here to Apply |
- படி 1: விண்ணப்பிப்பதற்கு முதலில் மேலே இரண்டாவதாகக் கொடுக்கப்பட்டுள்ள லிங்க்கைக் கிளிக் செய்யவும்.
- படி 2: அங்குள்ள “CLICK HERE FOR NEW REGISTRATION” என்ற பட்டனைத் கிளிக் செய்து, உங்களின் பெயர், தொடர்பு எண் போன்ற அடிப்படைத் தகவல்களைப் பதிவு செய்ய வேண்டும்.
- படி 3: வெற்றிகரமாகப் பதிவு செய்தவுடன், உங்களுக்கான தற்காலிகப் பதிவு எண் (Provisional Registration Number) மற்றும் கடவுச்சொல் (Password) திரையில் தோன்றும், அது மின்னஞ்சல் மற்றும் SMS மூலமாகவும் உங்களுக்கு அனுப்பி வைக்கப்படும்.
- படி 4: பின்னர், அந்தப் பதிவு எண் மற்றும் கடவுச்சொல்லைப் பயன்படுத்தி மீண்டும் லாகின் செய்து, கேட்கப்பட்டுள்ள கல்வி மற்றும் அனுபவ விவரங்களை முழுமையாக நிரப்ப வேண்டும்.
- படி 5: அடுத்த படியாக, வழிகாட்டுதலில் கூறப்பட்டுள்ள சரியான அளவுகளில் உங்களின் புகைப்படம், கையெழுத்து, இடது கை பெருவிரல் ரேகை மற்றும் உறுதிமொழி கடிதம் ஆகியவற்றை ஸ்கேன் செய்து பதிவேற்றம் (Upload) செய்ய வேண்டும்.
- படி 6: அனைத்து விவரங்களையும் நிரப்பிய பிறகு “SAVE AND NEXT” என்ற ஆப்ஷனைப் பயன்படுத்தித் தகவல்கள் சரியாக உள்ளதா என ஒருமுறைக்கு இருமுறை சரிபார்த்துக் கொள்ளவும்.
- படி 7: அனைத்தும் சரியாக இருக்கும் பட்சத்தில் “COMPLETE REGISTRATION” என்ற பட்டனை அழுத்தவும், இதற்குப் பிறகு விண்ணப்பத்தில் எந்தவொரு மாற்றமும் செய்ய முடியாது.
- படி 8: இறுதியாக, பேமெண்ட் கேட்வே (Payment Gateway) மூலம் டெபிட் கார்டு, கிரெடிட் கார்டு, இன்டர்நெட் பேங்கிங் அல்லது UPI வசதியைப் பயன்படுத்தி உங்களுக்கான விண்ணப்பக் கட்டணத்தைச் செலுத்தவும்.
- படி 9: கட்டணம் வெற்றிகரமாகச் செலுத்தப்பட்டவுடன் கணினியில் உருவாகும் இ-ரசீது (e-receipt) மற்றும் பூர்த்தி செய்யப்பட்ட ஆன்லைன் விண்ணப்பப் படிவத்தை எதிர்காலப் பயன்பாட்டிற்காகப் பிரிண்ட் (Printout) எடுத்துப் பாதுகாப்பாக வைத்துக் கொள்ளவும்.