காவிரி நீர் வரத்து சரியான நேரத்தில் கிடைக்காததால், குறுவை சாகுபடியை செய்யத் தயங்கும் விவசாயிகளுக்கு ஓர் அரிய வாய்ப்பு. தமிழகத்தில் நெல் உற்பத்தியை அதிகரித்து, உங்கள் வாழ்வாதாரத்தைப் பாதுகாக்க, தமிழக அரசு ஒரு அற்புதமான திட்டத்தை அறிமுகப்படுத்தியுள்ளது. அதுதான் குறுவை சாகுபடி சிறப்புத் திட்டம். இந்தத் திட்டம் பற்றிய முழு விவரங்களையும் இந்தப் பதிவில் விரிவாகப் பார்ப்போம்.
தமிழக அரசின் குறுவை சாகுபடி சிறப்புத் திட்டம்
தமிழக அரசு டெல்டா மாவட்டங்களில் மட்டும் அமலில் இருந்த குறுவை சாகுபடி சிறப்பு தொகுப்புத் திட்டத்தை (Kuruvai Cultivation Special Package Scheme) தற்போது மாநிலம் முழுவதும் விரிவுபடுத்தியுள்ளது. குறுவை சாகுபடி என்பது ஜூன் – ஜூலை மாதங்களில் தொடங்கி அக்டோபர் – நவம்பர் மாதங்களில் அறுவடை செய்யப்படும் ஒரு குறுகிய கால (100 – 120 நாட்கள்) சாகுபடிப் பருவம் ஆகும்.
இந்தத் திட்டத்தின் முக்கிய நோக்கம், குறுவை சாகுபடியை ஊக்குவிப்பதன் மூலம் விவசாயிகளின் வருமானத்தை உயர்த்துவதுதான். இந்தத் திட்டத்தில் விதைகள், உரங்கள், சத்துக்கள் மற்றும் இயந்திர நடவுக்கு மானியம் வழங்கப்படுகிறது.
மதிப்புக் கூட்டும் வேளாண் இயந்திர மானியத் திட்டம் – 5 லட்சம் மானியம்
மானியச் சலுகைகள் மற்றும் பயன்கள்
குறுவை சாகுபடி சிறப்புத் திட்டம் மூலம், குறுவை சாகுபடி செய்யும் விவசாயிகளுக்குப் பல்வேறு மானிய உதவிகள் கிடைக்கின்றன.
இயந்திர நடவு மானியம்
நெற்பயிரை இயந்திர நடவு (வரிசை நடவு) மூலம் மேற்கொள்ளும் விவசாயிகளுக்கு ஏக்கர் ஒன்றுக்கு ரூ. 4,000 பின்னேற்பு (Follow-up) மானியமாக வழங்கப்படுகிறது.
விதை மானியம்
சான்று பெற்றத் தரமான நெல் விதைகள் 50 சதவீத மானியத்தில், ஏக்கருக்கு 20 கிலோ வரை வேளாண் விரிவாக்க மையங்கள் மூலம் வழங்கப்படுகின்றன.
உரம் மற்றும் சத்துக்கள் மானியம்
- நுண்ணூட்டச் சத்துக் குறையுள்ள நிலங்களுக்கு 50 சதவீத மானியத்தில் நெல் நுண்ணூட்டக் கலவை வழங்கப்படும்.
- துத்தநாக சத்துக் குறைவு உள்ள நிலங்களில் துத்தநாக சல்பேட் உரத்தைப் பயன்படுத்த ஏக்கருக்கு ரூ. 250 வழங்கப்படும்.
- பயறு வகைப் பயிர்களின் சாகுபடியை ஊக்கப்படுத்த 50 சதவீத மானியத்தில் தரமான சூடோமோனஸ், இலை வழி உரம் மற்றும் திரவ உயிரி உரம் வழங்கப்படும்.
விவசாயிகள் இந்தக் குறுவை சாகுபடி சிறப்புத் திட்டம் மூலம் அதிகபட்சமாக 1 ஏக்கர் வரை மானிய விலையில் விதைகள் மற்றும் இயந்திர நடவு மானியம் பெறலாம்.
மானியம் பெறத் தேவையான ஆவணங்கள்
விவசாயிகள் இந்தக் குறுவை சாகுபடி சிறப்புத் திட்டம் மூலம் நெல் விதை மற்றும் உரங்களுக்கான மானியம் பெற கீழ்க்கண்ட ஆவணங்களை சமர்ப்பிக்க வேண்டும்:
- ஆதார் அட்டை நகல்.
- விவசாய நிலத்தின் பட்டா நகல்.
- கிராம நிர்வாக அலுவலரின் சான்று.
இயந்திர நெல் நடவு மானியம் பெற விவசாயிகள் கூடுதலாக பின்வரும் ஆவணங்களைச் சமர்ப்பிக்க வேண்டும்:
- ஒரு ஏக்கர் நிலத்திற்கான முழு பயிரிடும் திட்டம் மற்றும் செலவு விவரம்..
- மிஷின் நடவு மேற்கொண்டதற்கான பட்டியல்.
- கணினி சிட்டா.
- வங்கி பாஸ்புக்.
- பாஸ்போர்ட் சைஸ் புகைப்படம்.
பால் பண்ணை தொழில்முனைவோர் மேம்பாட்டுத் திட்டம் – 25% மானியம்
விண்ணப்பிக்கும் முறை
குறுவை சாகுபடி சிறப்புத் தொகுப்புத் திட்டத்தின் சலுகைகளைப் பெற விரும்பும் விவசாயிகள், அறிவிப்பு வெளியாகும் போது, கடைசித் தேதிக்கு முன்பாகவே தங்கள் அருகில் உள்ள வேளாண் விரிவாக்க மையத்திற்குச் சென்று இணையதளம் மூலம் விண்ணப்பிக்கலாம். மேலும், விவசாயிகள் தங்கள் வட்டார வேளாண் உதவி அலுவலகத்தை அணுகியும் விண்ணப்பித்து பயன்பெறலாம்.
குறிப்பு: நெல் இயந்திர நடவுக்கான மானியம் பெற விரும்பும் விவசாயிகள், நடவு செய்வதற்கு முன்பே உழவன் செயலியில் இதற்கான முன்பதிவைச் செய்துகொள்ள வேண்டும். அதன் பிறகு, வட்டார வேளாண் உதவி அலுவலகத்திற்குச் சென்று கூடுதல் விவரங்களைத் தெரிந்துகொள்ளலாம்.
இந்தப் பதிவில்,
குறுவை சாகுபடி சிறப்புத் திட்டம் – FAQs
1) குறுவை சாகுபடி சிறப்புத் திட்டத்தின் கீழ் ஏக்கருக்கு எவ்வளவு மானியம் கிடைக்கும்?
நெல் இயந்திர நடவு செய்யும் விவசாயிகளுக்கு ஏக்கருக்கு ரூ. 4,000 பின்னேற்பு மானியமாக வழங்கப்படுகிறது.
2) இந்தத் திட்டத்தில் மானிய விலையில் நெல் விதை பெற எவ்வளவு மானியம் கிடைக்கும்?
சான்று பெற்ற நெல் விதைகள் 50 சதவீத மானியத்தில் ஏக்கருக்கு 20 கிலோ வரை வேளாண் மையங்களில் வழங்கப்படுகின்றன.
3) இந்தத் திட்டத்தின் கீழ் அதிகபட்சமாக எத்தனை ஏக்கருக்கு மானியம் பெறலாம்?
விவசாயிகள் அதிகபட்சமாக 1 ஏக்கர் வரை மானிய விலையில் விதைகள் மற்றும் இயந்திர நடவு மானியம் பெறலாம்.
Key Insights & Best Takeaways!
The Tamil Nadu Kuruvai Special Package Scheme aims to boost Kuruvai paddy cultivation across the state by offering subsidies to farmers. Key benefits include a ₹4,000 per acre incentive for machine transplantation, along with a 50% subsidy on quality paddy seeds and various bio-fertilizers/micronutrients for up to one acre. Farmers can apply through local Agriculture Extension Centres and must register on the Uzhavan App for the machine planting subsidy.
நம்பகமான தகவல்கள் – ஒரே இடத்தில், உங்கள் மொழியில்!
தினமும் அறிந்துகொள்ளுங்கள் – உண்மை சார்ந்த தகவல்கள்!
எங்களுடன் தொடர்ந்து இணைந்திருங்கள் – tnnewsbox.com
எங்களது YouTube channel-ஐ பார்வையிட – www.youtube.com/@TNNewsBox
